Um viðburðinn

Svavar Knútur ætlar að krossa fingur og loka augunum og halda tónleika á Café Rósenberg 4. mars næstkomandi, ef allt fer fram sem horfir. Það munu verða skemmtilegar sögur, ný lög og gömul og jafnvel mátulega þjóðleg lög sem leika við þræði lopapeysu minninga og kynslóða.

Fólk sem nýtur þess að eiga hlýlega og einlæga stund með húmorinn í fyrirrúmi ætti að drífa sig að tryggja sér miða, því það eru aðeins örfáir miðar í boði.