Tix.is

Ekki er búið að opna fyrir sölu
Miðaverð:34.500 kr.
Um viðburðinn

Í tilefni af 200 ára fæðingarafmæli rússneska skáldjöfursins Fjodors Dostojevskís verður efnt til námskeiðs um eitt af höfuðritum heimsbókmenntanna, Karamazov-bræðurna.

Gunnar Þorri Pétursson, þýðandi og bókmenntafræðingur, leiðir námskeiðið en hann nam rússneskar bókmenntir í Moskvu og Sankti Pétursborg og hefur rannsakað verk Dostojevskís um áratuga skeið. Á fimm vikum mun Gunnar Þorri ljúka upp undraheimum skáldsögunnar og kryfja hinar stóru spurningar sem verkið spyr um mannlega tilvist.

Forlagið gaf á dögunum út Karamazov-bræðurna í rómaðri þýðingu Ingibjargar Haraldsdóttur sem lengi hefur verið ófáanleg.

Hvatamenn útgáfunnar og námskeiðsins hafa stofnað félag til að breiða út fagnaðarerindi rússneskrar menningar.

Að því standa Ragnheiður Pálsdóttir og Kristín Eiríksdóttir auk Gunnars Þorra.

Námskeiðið um Karamazov-bræðurna hefst þriðjudaginn 13. apríl. Vegna sóttvarnarreglna verður staðsetning kynnt í mars.

Á sama tíma hefst miðasala á tix.is/karamazov 

Námskeiðið verður haldið fimm þriðjudagskvöld frá 13. apríl - 11. maí.

HÉR má finna facebook viðburð námskeiðsins.