Um viðburðinn

Í boði eru tvær leiðir til að horfa; í myndlyklum Símans eða netstreymi, en það virkar í öllum nettengdum tækjum sem þýðir að áhorfendur hvar sem er á Íslandi og um allan heim geta notið tónleikanna, eins og þeim hentar, þar sem þeim hentar. Aðeins þarf að kaupa einn miða fyrir hvert heimili.

Björgvin Halldórsson er einn ástsælasti tónlistamaður okkar og hefur á sínum langa ferli átt stóran þátt í að móta íslenska dægurtónlist. Björgvin fagnar 70 ára afmæli 16. apríl næstkomandi og heldur upp á daginn með stórtónleikum heima í stofu hjá þér, í beinni frá Borgarleikhúsinu á sjálfum afmælisdeginum.

Ljóst er að Björgvin á skrautlegan og sigursælan feril að baki, feril sem hefur snert ótal marga, ekki bara á Íslandi heldur víða um lönd. Á afmælistónleikum hans 16. apríl mun hann rifja upp ferilinn í tali, tónlist og myndum, dyggilega studdur af sérvalinni hljómsveit, bakröddum og sérstökum gestum.

GESTIR:

• GDRN
• Jóhanna Guðrún
• KK
• Krummi
• Svala

BAKRADDIR:

• Eyjólfur Kristjánsson
• Friðrik Ómar
• Regína Ósk

HLJÓMSVEIT:

• Einar Scheving - Slagverk
• Davíð Sigurgeirsson - Gítar
• Friðrik Sturluson - Bassi
• Jóhann Hjörleifsson - Trommur
• Jón Elvar Hafsteinsson - Gítar
• Sigurgeir Sigmunds - Stálgítar
• Þórir Baldursson - Hammond
• Þórir Úlfarssson - Píanó

Umsjón: Sena Live