Um viðburðinn

ATH - tónleikarnir hafa verið færðir til 23. mars 2022 og allir miðaeigendur ættu nú að hafa fengið tölvupóst þess efnis.

Poppgoðsögnin og meðlimur hljómsveitarinnar One Direction, Louis Tomlinson heldur tónleika í Origo höllinni (Valsheimilið) þann 23. mars 2022.

Hann er jú, eins og allir vita meðlimur í einni frægustu hljómsveit veraldar, One Direction og er einn helsti lagahöfundurinn í hljómsveitinni. Lög sem hann hefur samið eru t.d. Midnight Memories, Perfect og History. Með hljómsveitinni One Direction hefur Louis selt meira en 100 milljón plötur og fengið fjöldan allan af verðlaunum. T.d. sjö Brit verðlaun og 28 Teen Choice verðlaun. 

Louis hefur nýverið gefið út sína fyrstu sólóplötu, Walls,  sem hefur verið að gera það vel alls staðar í heiminum. T.d. var lagið Two Of Us kosið besta lagið á Teens Choice verðlaununum og hefur verið streymt yfir 60 milljón sinnum á Spotify. Í heildina hefur lögum frá sólóferli Louis verið streymt yfir milljarð sinnum. Og nú gefst íslenskum aðdáendum loks tækifæri til að sjá hann á sviði. 

“I feel like a new artist now. I feel the most confident I’ve ever been, both as a songwriter and a singer…what matters is what my music means to me and what it means to the fans. That’s the priority. The rest we’ll have to wait and see.” Louis Tomlinson

Ath 13 ára og yngri þurfa að vera í fylgd með forráðamanni.