Um viðburðinn

Höllin opnar 18:00

Tónleikar hefjast kl 19:15

Dagskrá líkur ca 22:00

Góða skemmtun

Nordic Live Event.

Jóhanna Guðrún og Magnús Kjartan Eyjólfsson tvær af skærustu stjörnum tónlistarsenunnar á Íslandi í dag verða þekktasta par sögunnar í Grease tónleikasýningu þann 29. okt næstkomandi í Laugardalshöll.

Risa stjarnan Jóhanna Guðrún Jónsdóttir í hlutverki Sandy og hinn margrómaði Magnús Kjartan Eyjólfsson í hlutverki Danny Zuko munu saman bregða sér í hlutverk eins þekktasta pars kvikmyndasögunnar í tónleika uppsetningu á söngleiknum Grease í Laugardalshöll.

„Það er algjör draumur að taka þátt", segir Jóhanna Guðrún, sem er spennt fyrir hlutverkinu, en hún hefur áður tekið þátt í uppfærslum á lögum ABBA svo eitthvað sé nefnt. „Svo er ég brjálaður Grease aðdáandi frá blautu barnsbeini og frábært að þetta sé loksins að gerast eftir tvö leiðinleg Covid ár.

Aðspurð segir hún að uppáhalds lag hennar úr kvikmyndinni sé Hopelessly Devoted To You. „Ég elska öll lögin úr myndinni, en ef ég verð að velja eitt þá er það Hopelessly Devoted To You, það er svo fallegt og mikið söngkonu lag.”

Magnús Kjartan Eyjólfsson þreytir frumrun sína á þessu sviði og verður í hlutverki Danny Zuko sem bandaríski töffarinn og dansarinn John Travolta lék og heillaði okkur upp úr skónum, við erum sannfærð um að Magnús mun skilia þessu hlutverki með sæmd enda orðin einn vinsælasti og eftirsóttasti söngvari landsins og stýrði meðal annars Brekkusöngnum í Herjólfsdal  tvö síðustu ár og þótti standa sig stórkostlega.

Stefanía Svavarsdóttir, söngkona,  sem áður hefur meðal annars tekið þátt í ABBA uppfærslum með Jóhönnu Guðrúnu ásamt Júlí Heiðari og Degi Sigurðssyni verða Jóhönnu Guðrúnu og Magnúsi til halds og trausts, auk dansara og annars listafólks, sem munu sjá til þess að engu verður til sparað á tónleikunum í Höllinnil til að gera upplifun og skemmtun gesta sem allra mesta og besta.

Vinsælasta hljómsveit landsins, hin frábæra Stuðlabandið mun sjá um allan tónlistarflutning og það er því nokkuð ljóst að stuðið og stemningin verður frábær enda eru þar á ferð algjörir snillingar sem kunna þá list að skemmta fólki"

Tónleikarnir verða fullir af gleði þar sem frábært listafólk,bakraddir, dansarar og hljómsveit sem skipuð er topp tónlistarmönnum, auk myndbanda á risaskjáum, munu fá að njóta sín í frábæru hljóði og ljósi.

Aðeins er selt í stúku og sæti á gólfi og er salan hafin og því um takmarkað magn miða að ræða.

Leikstjórn er í höndum Gretu Salóme.

Framleiðsla: Nordic Live Event´s

.embed-container { position: relative; padding-bottom: 56.25%; height: 0; overflow: hidden; max-width: 100%; } .embed-container iframe, .embed-container object, .embed-container embed { position: absolute; top: 0; left: 0; width: 100%; height: 100%; }