Tix.is

  • 01. maí - Kl. 20:00
Miðaverð:6.490 - 12.990 kr.
Um viðburðinn

TILVALIÐ Í JÓLAPAKKANN – ATHUGIÐ, BREYTTA DAGSETNINGU!

Í ljósi aðstæðna hafa aðstandendur Eyjatónleikanna, sem fara áttu fram 23.janúar næstkomandi, ákveðið í samráði við Hörpu tónlistarhús, að færa tónleikana til laugardagskvöldsins 1.maí 2021

 Um leið verður smá breyting á söngvarahópnum, Helgi Björns og Silja eru því miður upptekin í öðrum verkefnum en í staðinn fáum við inn Brekkusöngsstjórnandann Ingó Veðurguð og Katrínu Halldóru Sigurðardóttur, sem sló í gegn í söngleiknum Ellý. Bjóðum við þau hjartanlega velkomin í hópinn.

---------------------------------------------------------------------------------------------------------------------------

23. janúar 2021 verða liðin 48 ár frá gosinu á Heimaey. Atburði sem enn í dag kallar fram sterkar tilfinningar hjá fólki, ekki bara Eyjamönnum, heldur líka fólki sem annaðhvort tengdist Eyjunum á þeim tíma eða tók þátt í björgun og uppbyggingu á Heimey í kjölfar gossins.

Stór hluti gesta á Eyjatónleikum ár hvert er einmitt fólkið sem bjó og eða tengdist Eyjunum með áðurnefndum hætti fyrir tæplega 50 árum og þykir enn ofurvænt um rætur sínar og sögu. En við höfum líka mörg dæmi um að fólk hafi komið á Eyjatónleikana, rétt eins og aðra tónleika til að heyra og upplifa, já fá að taka þátt í skemmtun Eyjamanna, sem þykir að mörgu leiti einstök. Það er jú pínu Þjóðhátíðarbragur yfir þessu, enda tónlistin að stórum hluta tengd þessari langstærstu og glæsilegustu útihátíð landsins. Það var engin Þjóðhátíð í á árinu sem er að líða/leið og því hefur sjaldan verið jafn góð ástæða til að skella í gott Þjóðhátíðarpartý í Hörpu eins og í janúar í ár.

Listamennirnir sem skemmta á Eyjatónleikunum í ár tengjast öll Eyjunum og/eða Eyjatónleikunum sterkum böndum.

Jón og Friðrik Dór Jónssynir hafa bæði sungið og samið Þjóðhátíðarlög síðustu ár og skemmt á Þjóðhátíð nokkur undanfarin ár og komið og upplifað hátíðina með fjölskyldum sínum.

Ingó Veðurguð er ættaður úr Eyjum, sonur Þórarins Ingólfssonar, sonur Mörtu og Inga á Fjólugötu 4 í Eyjum.  Hann hefur unnið hug og hjört Eyjamanna og allra landsmanna með frábærri frammistöðu í Brekkusöngnum á Þjóðhátíð og er reglulegur þátttakandi í hinum ýmsu skemmtunum í Eyjum, enda einn vinsælasti skemmtikraftur landsins í dag.

Sigga Beinteins hefur skemmt ótal sinnum í Eyjum og oft á Þjóðhátíð og var með okkur í Hörpu í janúar 2013 og aftur 2014 og 2015, þannig að hún þekkir vel til verka.

Matti Matt hefur líkt og allir hinir skemmt ótal sinnum úti í Eyjum og var um tíma aðalsöngvari Papanna, sem voru í fyrstu sannkölluð Eyjahljómsveit. Hann mætti á Eyjatónleikana í fyrra og sló rækilega í gegn.

Katrín Halldóra er frábær leik- og söngkona og sló algjörlega í gegn í söngleiknum Ellý, þar sem hún flutti meðal annars eitt allra besta dægurlag íslenskt sem samið hefur verið, Ég veit þú kemur.

Alexander Jarl er Eyjapeyi í húð og hár, ólst þar upp og steig sín fyrstu spor með afa Vitta sem söngvari á Illugagötunni. Hann hefur undanfarin misseri verið í frekara námi í sönglistinni. Alexender söng á Eyjatónleikunum 2015 og það verður sannarlega frábært að fá hann aftur.

Alma Rut og Kristján Gísla hafa verið með okkur undanfarin ár, bæði sem aðalsöngvarar og bakraddir. Kristján á rætur að rekja til Eyja og eftir alla tónleikana með okkur eigum við líka smá í Ölmu.

Lúðrasveit Vestmannaeyja og Karlakór Vestmannaeyja hafa tvisvar áður tekið þátt í þessu skemmtilega verkefni og koma nú aftur til liðs við okkur á tíu ára afmælinu. Það er mikill fengur að fá þessa tvo kraftmiklu og skemmtilegu hópa inn í verkefnið.

Stórsveit undir stjórn Jóns Ólafssonar mun svo sjá um að allt fara vel fram að öðru leiti á sviðinu í Eldborgarsal Hörpu, en hana skipa: Jón Ólafsson – hljómborð, Kjartan Valdemarsson – hljómborð og harmonikka, Birgir Nielsen – trommur, Eiður Arnarson – bassi, Jón Elfar Hafsteinsson – gítar, Matthías