Tix.is

  • 14. apr. - Kl. 20:00
Miðaverð:3.500 kr.
Um viðburðinn

Sópransöngkonan Álfheiður Erla Guðmundsdóttir og píanóleikarinn Kunal Lahiry flytja norræn sönglög og ljóðaflokkinn Apparition eftir bandaríska tónskáldið George Crumb.

Að auki hljómar frumflutningur á verki eftir tónskáldið Þuríði Jónsdóttur, sem samið verður sérstaklega fyrir þetta tilefni.

Á tónleikunum mun hópur listafólks kanna skapandi leiðir í tónlistarmiðlun og brjóta upp hið hefðbundna tónleikaform, þó alltaf með það að leiðarljósi að þjóna tónlistinni. Ýmis listform koma saman: myndböndum, sem útbúin voru með sönglögin í huga, verður varpað á innsetningu eftir hönnuðinn Mörtu Heiðarsdóttur auk ljósainnsetningar eftir Ástvald Axel Þórisson. Dansarinn Marta Hlín Þorsteinsdóttir sækir einnig innblástur í tónlistina á tónleikunum og kemur til með að spinna hreyfingar í nokkrum laganna.

Sópransöngkonan Álfheiður Erla Guðmundsdóttir og píanóleikarinn Kunal Lahiry hafa starfað saman síðastliðin fimm ár. Þau stunduðu nám hjá píanóleikaranum Wolfram Rieger í Hanns Eisler tónlistarháskólanum Berlín. Þau hafa komið fram víða á tónleikum í Þýskalandi og í Bandaríkjunum.

Á síðastliðnum mánuðum hafa Álfheiður Erla og Kunal fengist við norræn sönglög og nýlega bandaríska tónlist sem kannar óhefðbundna hljóðheima.

Sígildir sunnudagar 2020 – 2021