Um viðburðinn

Í tilefni þess að 10 ár eru liðin frá útgáfu plötunnar Búum til börn ætlar hljómsveitin Moses Hightower að halda tónleika hringinn í kringum landið, skrýdd sömu silkimjúku gestaflytjendunum og heiðruðu hana á plötunni: Óskar Guðjónsson leikur á sax, Samúel Jón Samúelsson á básúnu og Kjartan Hákonarson á trompet og flugelhorn.

Sannkallaðir sparitónleikar þar sem platan verður leikin í heild sinni, ásamt feikivel völdum öðrum lögum Mosesar og nokkrum glænýjum!