Loading…

Veldu fjölda áskrifta

Íd árskort 35%

Hverfa / Órætt algleymi - Íslenski dansflokkurinn

STÓRA SVIÐ || Borgarleikhúsið

Borgarleikhúsið - Stóri Salur
Hverfa / Órætt algleymi - Íslenski dansflokkurinn

Áskrift - Íd árskort 35%:

07. nóv. 2024 - fim. 20:00

13. nóv. 2024 - mið. 20:00

14. nóv. 2024 - fim. 20:00

24. nóv. 2024 - sun. 20:00
Íslenski dansflokkurinn kynnir tvö ný íslensk dansverk, frumsýnd sama kvöldið á stóra sviði Borgarleikhússins.

Hverfa

Verk eftir Melkorku Sigríði Magnúsdóttur

Hverfa er óður til negatívunnar og þess sem blasir ekki við, líkt og ranghverfa á flík, herðatré á tómum fatarekka, hátalarasnúra í flækju eða annað sem við tökum að öllu jöfnu ekki eftir. Verkinu má líkja við upphafningu á aukaatriðum þar sem hið ósýnilega verður sýnilegt. Í Hverfu mætast tveir dansarar í nokkurs konar sálumessu til leikhússins og þess sem á það til að hverfa í bakgrunninn.

Höfundur: Melkorka Sigríður Magnúsdóttir

Dansarar: Ásgeir Helgi Magnússon, Andrean Sigurgeirsson

Leikmynd og Búningar: Elín Hansdóttir

Tónlist: og hljóðmynd: Árni Rúnar Hlöðversson

Ljósahönnun: Jóhann Friðrik Ágústsson

Dramatúrg: Igor Dobricic

Framleiðsla: Milkywhale

Órætt algleymi/ Liminal States

Verk eftir Verk eftir Margréti Söru Guðjónsdóttur

Að vera horfandi að verkum Margrétar Söru er einsog að horfa inn í fljótandi spegil. Hér líður tíminn á annan hátt en við erum vön. Nærvera dansaranna á sviðinu, sviðsmynd og tónlist bjóða okkur að halla okkur inn í spennandi flæmi þar sem innri og ytri veruleiki fljóta saman og okkur er boðið inn í kraftmikla og dáleiðandi upplifun.

Höfundur: Margrét Sara Guðjónsdóttir

Dansarar: Elín Signý Ragnarsdóttir, Erna Gunnarsdóttir, Félix Urbina Alejandre, Una Björg Bjarnadóttir

Tónlist: Peter Rehberg

Ljósahönnun: Jóhann Friðrik Ágústsson

Sviðsmynd: Margrét Sara Guðjónsdóttir

Búningar: Karen Briem
Jóladraumar - Íslenski dansflokkurinn

NÝJA SVIÐIÐ || Borgarleikhúsið

Borgarleikhúsið - Nýja Sviðið
Jóladraumar - Íslenski dansflokkurinn

Áskrift - Íd árskort 35%:

01. des. 2024 - sun. 13:00

01. des. 2024 - sun. 15:00

07. des. 2024 - lau. 13:00

07. des. 2024 - lau. 15:00

15. des. 2024 - sun. 13:00
Jóladraumar

Verk fyrir börn eftir Ingu Maren Rúnarsdóttur

Jólin nálgast og snjókorn falla. Dimmir dagar faðma okkur og kertaljós vísa leiðina að jólaskapinu. Ung stúlka verður forvitin um hinn dularfulla jólaanda eltir ljósin í leit að sannri merkingu hans. Hún hefur heyrt um mátt jólaandans, hvernig hann fyllir hvert rými og jólastund. Hún veit upp á hár að andann þarf hún að finna, sjálfan sig að kynna og jólaósk sína uppfyllta fá.

Á vegferð sinni hittir hún töfrandi fyrirbæri og frekar fúlan jólakött, hræddan héra og illa lyktandi skötu. Nýju vinirnir og uppáhalds tréð hennar í skóginum hjálpa henni að átta sig á því að jólaandinn býr innra með henni og vinátta, þakklæti og hjálpsemi eru hluti af honum. Við upphaf ferðalagsins veit hún ekki nákvæmlega hvers hún leitar eða í hvers konar formi það gæti verið. En á leið sinni áttar hún sig á því hversu sérstakt það er að hjálpa vini og hvernig góðvild getur fengið hvern sem er til að brosa.

Sagan sýnir krökkum að jólin snúast ekki um efnislegar gjafir og fyrirframgefnar hugmyndir um hvernig jólin eiga að líta út heldur sé þess virði að líta inn á við og finna fyrir hlýjunni í hjartanu á fallegum stundum. Leyndarmál sem er þess virði að deila með forvitnum börnum, sérstaklega á jólunum.

Að sýningum loknum verða kenndar danshreyfingar fyrir þá sem vilja.

Dansarar: Sara Lind Guðnadóttir, Shota Inoue, Emilía Benedikta Gísladóttir, Harpa Arnardóttir
While in battle I’m free, never free to rest - Íslenski dansflokkurinn

NÝJA SVIÐIÐ || Borgarleikhúsið

Borgarleikhúsið - Nýja Svið
While in battle I’m free, never free to rest - Íslenski dansflokkurinn

Áskrift - Íd árskort 35%:

15. feb. 2025 - lau. 20:00

21. feb. 2025 - fös. 20:00
Í þessu kraftmikla verki danshöfundarins Hoomans Sharifi mætast tveir ólíkir hópar með ólíkan bakgrunn — street-dansarar og samtíma- dansarar. Hvor hópur á sér sinn einstaka ryþma og tungumál. Stefnumót þeirra einkennist af forvitni og sameiginlegri ástríðu fyrir hreyfingu. Þau nálgast hvert annað af varfærni og yfirstíga landamæri með líkamstjáningu sinni. Þannig skapast rými þar sem einstaklingnum er fagnað og fjölbreytileikanum
er tekið opnum örmum. Reynslan er ný af nálinni fyrir alla dansarana, þenur út mörk og víkkar sjóndeildarhringinn.

Tambur-tónlist Arash Moradi er sameiningar- afl í þessum menningarlega samruna, bæði fyrir dansarana og áhorfendur, og lifandi tónlistarflutningur hans fyllir andrúmsloftið af ókunnugum en hrífandi laglínum.

Hooman Sharifi fæddist í Íran en kom fjórtán ára gamall einn síns liðs til Noregs. Fyrsta dansreynsla hans var í heimi hipphopps og street-dans. Hann útskrifaðist sem danshöfundur frá Listaháskólanum í Osló árið 2000 og hefur síðan markað sér stöðu sem pólitískur, áleitinn og öflugur listamaður.
Orfeus & Evridís - Íslenski dansflokkurinn

STÓRA SVIÐ || Borgarleikhúsið

Borgarleikhúsið - Stóri Salur
Orfeus & Evridís - Íslenski dansflokkurinn

Áskrift - Íd árskort 35%:

2.sýning
Orfeus & Evridís

Verk eftir Ernu Ómarsdóttur

Goðsögnin um hina ódauðlegu ást Orfeusar og Evridísar er til í ýmsum útgáfum en þessi vinsæli efniviður rekur þó rætur sínar til enn eldri sagna um gyðjuna Demetru sem sá á eftir dóttur sinni Persefónu til undirheima, í hendur Hadesar. Í Grikklandi til forna voru einmitt haldnar miklar hátíðir til heiðurs Demetru og þá jafnan í tengslum við akuryrkju; sáningu og uppskeru. Í meðförum Íslenska dansflokksins er gerð tilraun til þess að túlka söguna um Orfeus og Evridísi sem eilífa hringrás vaxtar og hrörnunar, fæðingu og dauða. Hér er sjónum beint að umbreytingum, listsköpun og því ferli sem fætt hefur af sér hugmyndina um snillinginn Orfeus – manninn sem dáleiðir allt kvikt með söng sínum og nærist á sorginni í upphafinni brúðarmynd.

Þessi nýi jaðarsöngleikur veltir upp spurningum um líf og dauða, skilning og tilfinningu, listsköpun og ærandi þögn – hver á „Gullna reyfið?“ Hvaðan koma allir snákarnir? Og hefur Evridís einhvern áhuga á að snúa aftur til fyrra lífs?
2.sýning