Um viðburðinn

Ekki missa af einstakri bíóupplifun af DEAD RINGERS á nostalgískum Svörtum Sunnudegi 12. janúar 2020 kl.20:00 í Bíó Paradís!

Mögnuð mynd leikstjórans David Cronenberg er byggir á sannri sögu og skartar Jeremy Irons í hlutverki eineggja tvíbura sem eru kvensjúkdómalæknar og koma oft hvor í annars stað í vinnunni. Tvíburarnir deila einnig hjásvæfum og eru stoltir af því að það hafi aldrei komist upp um þá. Þegar þeir fá vinsæla leikkonu til meðferðar, sem leikin er af Genevieve Bujold, upphefst ástarþríhyrningur. Hún þekkir þá síðan í sundur og velur feimna tvíburann Beverly. Elliot, sem er ráðríkari, móðgast og brestir koma í samband tvíburanna sem sogast inn í hringiðu kynlífs, eiturlyfja og geðveiki. Cronenberg spyr í myndinni óþægilegra spurning um sjálfsmynd.