Um viðburðinn

Húsmóðirin Thelma og gengilbeinan Louise eru bestu vinkonur en leiðist lífið og tilveran sem þær eru búnar að sætta sig við. Þær ákveða því að taka frí frá hversdagsleikanum og laumast í burtu á blæjubíl Louise, planið er þriggja daga veiðiferð án eiginmanna og kærasta og vandræða. En hlutirnir æxlast á annan veg þegar þær stöllur komast í tæri við ofbeldisfullan drykkjusvola verðandi-nauðgara, þá breytist rólega ferðalagið þeirra í flótta þvert yfir Bandaríkin á undan laganna vörðum.

Ekki missa af geggjaðri Föstudagspartísýningu 8. febrúar kl 20:00 á THELMA & LOUISE, klassískri vegamynd með Geena Davis og Susan Sarandon í aðalhlutverkum ásamt Harvey Keitel og sjóðheitum ungum Brad Pitt í aukahlutverkum í bíóperlu leikstjórans Ridley Scott.
P.S. Barinn/sjoppan verður stútfull af sætindum og partíveigum sem að sjálfsögðu má taka með inní salinn!