Um viðburðinn

Turo er 25 ára sveitapiltur og er drullusama um allt og alla nema hljómsveitina Impaled Rektum sem hann eyðir öllum frítíma sínum í, en þar er hann söngvari harðasta (og eina) metalbandsins á svæðinu. Turo og hljómsveitarmeðlimunum býðst óvænt tækifæri lífsins að komast úr sveitinni og útí hinn stóra heim. Framundan býður þeirra eitt svakalegasta ferðalag allra tíma með þungarokki, grafarránum, víkingaparadís og vopnuðum átökum á milli Finnlands og Noregs!

Myndin sló óvænt í gegn á FJÓRUM þéttpökkuðum sérsýningum hérlendis bæði á Metal-Miðvikudögum 9.jan.+6.feb. & Föstudagspartísýningum 11.jan.+25.jan. - bæði æstir Metalhausar og hinir almennu bíógestir eru allir á sama máli og keppast um að lofa myndina í hástert sem algjör gargandi snilldarræma!!!

Vegna gríðarlegrar velgengni og mikillar eftirspurnar frá þeim fjölmörgu sem skemmtu sér konunglega og vilja endilega sjá þessa gargandi snilldarræmu aftur, ásamt þeim sem misst hafa af tækifærunum hingað til að berja fyndnustu mynd ársins að mati margra, þá geta allir tekið gleði sína á ný því myndin verður tekin til almennra sýninga í takmarkaðan tíma.

Ekki missa af HEAVY TRIP í Bíó Paradís (enskur texti) - eingöngu sýnd í takmarkaðan tíma!