Um viðburðinn

Frítt inn og allir velkomnir! Sýningin fer fram 7. apríl kl 18:00 

#THISISME

Stuttar heimildarmyndir sem sýna þrjár stelpur sem langar til þess að prófa eitthvað nýtt eða sýna nýja hliðar á sjálfum sér. Myndirnar fylgja stelpunum eftir í þessum áskorunum með stuðningi frá jafningjum þeirra. Þegar öllu er á botninn hvolft skiptir mestu máli að vera hugrökk, reyna sitt besta, kýla á hlutina og vera samkvæm sjálfri sér!

Sýndar á finnsku með enskum texta.

Lili

Lili neitar að sleppa tökunum af barnæskunni. Hún er stödd í miðjum sandstormi þar sem mörkin á milli raunveruleikans og ímyndunaraflsins skarast. Gleði bernskunnar er enn innan seilingar en hún þarf að velja á milli hins raunverulega og hins ímyndaða.

Myndin er án tals.

Shadow Animals

Ung stúlka fer í veislu með feðrum sínum þar sem hún upplifir heim fullorðinna. Hegðun fullorðna fólksins verður sífellt einkennilegri eftir því sem líður á kvöldið.

Sænska með enskum texta.

Oasis

Strákur vaknar í eyðimörk með flugvélaflak við hliðina á sér. Dularfullt skrímsli stígur skyndilega út úr flakinu og fer að elta strákinn. Eina flóttaleiðin er gróðurvin en hann getur ekki dvalið of lengi þar vegna þess að hann er einmana. Einn daginn finnur hann lítinn og yfirgefinn fugl, kennir honum að fljúga og brátt halda þeir saman út í heiminn að leita að fleiri vinum.

Myndin er án tals.