Um viðburðinn

Guðfaðirinn fékk fjöldamargar Óskarsverðlaunaútnefningar og var valin besta myndin það árið og einnig var Marlon Brando valinn besti leikari í aðalhlutverki. Myndin segir frá Corleone fjölskyldunni og þá helst ættföðurnum Vito (Marlon Brando) og þremur sonum hans, Michael (Al Pacino), Sonny (James Caan) og Fredo (John Cazale).

Fjölskyldan er það sem skiptir mestu máli og þeir sem gleyma því fá að kenna á afleiðingunum. Það eru ótal persónur sem koma fyrir í þessari blóði drifnu fjölskyldusögu, allt frá smáglæpamönnum, sem gera allt fyrir peningana, upp í valdamestu skúrka samfélagsins. Guðfaðirinn er stórmynd í öllum skilningi orðsins.

JÓLASÝNING Svartra Sunnudaga, THE GODFATHER, á annan í jólum þann 26. desember kl 20:00! Ekki láta þig vanta!