Sígildir söngvasveigar og þjóðlög ólíkra heima í túlkun mezzósópransöngkonunnar Hildigunnar Einarsdóttur og Guðrúnar Dalíu Salómonsdóttur, píanóleikara.
Hér hljóma sjaldheyrðir en áhrifaríkir lagaflokkar eftir Benjamin Britten, Þorkel Sigurbjörnsson og Maurice Ravel auk þjóðlagaútsetninga úr ýmsum áttum.
Söngvasveigur Brittens, Charm of Lullabies (1947) hverfist um nóttina og býr yfir víðfeðmu litrófi og mögnuðum andstæðum en ljóðin eru sótt til nokkurra höfuðskálda Breta svo sem William Blake og Robert Burns. Lagaflokkur Þorkels Sigurbjörnssonar, Níu ljóð úr Þorpinu, var frumfluttur af Ólöfu Kolbrúnu Harðardóttur og tónskáldinu á Listahátíð í Reykjavík 1982. Yrkisefnið er að mestu sótt í tímamótaverkið Þorpið (1946) eftir Jón úr Vör þar sem dregnar eru upp ljóslifandi myndir af lífsbaráttu í íslensku sjávarþorpi í kringum kreppuárin. Svipmikil grísk þjóðlög og þjóðvísur eru meginuppistaðan í Fimm, vinsælum, grískum þjóðlögum (1907) eftir Maurice Ravel en á tónleikunum hljóma einnig tregafull og grípandi þjóðlög, íslensk og ensk, í útsetningum Jórunnar Viðar, Þorkels Sigurbjörnssonar og Benjamin Britten.
Á undan tónleikunum verður boðið upp á tónleikaspjall klukkan 12:30. Aðgangur á spjallið er ókeypis og öll velkomin.
Efnisskrá
Benjamin Britten (1913 – 1976) A Charm of Lullabies Maurice Ravel (1875 – 1937) 5 Greque populaire
Þorkell Sigurbjörnsson (1938 – 2013) Níu lög úr Þorpinu
Þjóðlagaútsetningar eftir Jórunni Viðar, Þorkel Sigurbjörnsson og Benjamin Britten
Tónleikarnir eru styrktir af lista- og menningarráði Kópavogsbæjar.
Á þessum tónleikum hljóma glænýjar tónsmíðar eftir tónlistarfólk sem á að baki litríkan feril í heimum spunatónlistar, jazz-, popp- og raftónlistar, þau Hafdísi Bjarnadóttur, gítarleikara og tónskáld, Hauk Gröndal, klarinet- og saxófónleikara og tónskáld, Samúel J. Samúelsson, básúnuleikara og tónskáld og Sigrúnu Jónsdóttur, básúnuleikara, söngkonu og tónskáld.
Tónlistin er samin sérstaklega fyrir Cauda Collective sem er að þessu sinni skipuð þeim Björk Níelsdóttur, söngkonu, Sigrúnu Harðardóttur á fiðlu, Þóru Margréti Sveinsdóttur á víólu og Þórdísi Gerði Jónsdóttur á selló.
Á undan tónleikunum verður boðið upp á tónleikaspjall klukkan 12:30. Aðgangur á spjallið er ókeypis og öll velkomin.
Tónleikarnir eru styrktir af lista- og menningarráði Kópavogsbæjar.
Cauda Collective hefur vakið eftirtekt fyrir nýstárlegt efnisval og skapandi nálgun við tónleikaformið en hópurinn hefur starfað frá árinu 2018, komið fram á ótal tónleikum og tónlistarhátíðum, hérlendis og erlendis við frábærar undirtektir.
Tónleikar Caudu Collective fléttast gjarnan í kringum ákveðin stef eða þemu þar sem aldagömul tónlist er sett í nýtt og frjótt samhengi auk þess sem nýsköpun hefur skipað veigamikinn sess á efnisskrám hópsins. Cauda Collective hefur unnið náið með tónskáldum úr ólíkum áttum, má þar nefna tónskáld svo sem Báru Gísladóttur, Mugison, Ragnhildi Gísladóttur og Úlf Eldjárn auk fjölda annarra.
Tónlist Skúla Sverrissonar er í forgrunni þessara tónleika en Skúli á að baki magnaðan feril sem tónskáld og bassaleikari. Tónlist Skúla býr yfir tærum einfaldleika sem höfðar til breiðs hlustendahóps en nýstárleg meðhöndlun hans á hljómum, takti og laglínum gerir verkin jafnframt einstaklega bitastæð og djúp.
Hljóðheimur Skúla er stór, allt að því sinfónískur, og hentar því hlýjum og voldugum hljóðheimi Salarins einstaklega vel. Hér stígur Skúli fram ásamt tveimur af sínum nánustu samstarfsmönnum, þeim Ólöfu Arnalds og Davíð Þór Jónssyni sem bæði eru í hópi fjölhæfustu tónlistarmanna landsins.
Ný tónlist eftir Skúla Sverrisson við ljóð Ólafar Arnalds. Flytjendur auk Skúla eru þau Davíð Þór Jónsson og Ólöf Arnalds.
Tónleikarnir eru styrktir af lista- og menningarráði Kópavogsbæjar.
Hér fléttast saman mögnuð kammerverk frá ólíkum heimum í flutningi píanókvartettsins Neglu en hann skipa fjórar ungar tónlistarkonur í fremstu röð; Sólveig Steinþórsdóttir, fiðla, Anna Elísabet Sigurðardóttir, víóla, Hrafnhildur Marta Guðmundsdóttir, selló og Þóra Kristín Gunnarsdóttir á píanó.
Píanókvartettinn Negla hefur starfað saman í tæp tvo ár og hefur á þeim tíma vakið athygli fyrir metnaðarfulla tónleika og flutning í hæsta gæðaflokki. Eitt af markmiðum kvartettsins er að stefna saman sjaldheyrðum kammerverkum við þekkt stórvirki klassískrar tónlistar líkt og raunin er hér.
Píanókvartett nr. 1 í D-dúr (1875) eftir tékkneska tónskáldið Antonín Dvorák er tvímælalaust þekktasta verk þessara tónleika, verk fullt af unaðslegum laglínum og dramatískum andstæðum þar sem glöggt má heyra hvernig tónskáldið lætur innblásast af þjóðlagatónlist heimalandsins. Enska tónskáldið Frank Bridge samdi Fantasíu fyrir píanókvartett árið 1910, en verkið, sem ólgar af ljóðrænni fegurð og magnþrungnum stefjum, er í sex stuttum þáttum sem saman mynda eina heild. Dark Rosaleen (2000) eftir bandaríska tónskáldið Lee Hoiby er innblásið af þekktasta ljóð írska skáldsins James Clarence Mangan þar sem Rósalín hin dökka birtist sem táknmynd fyrir heimalandið. Skáldið James Joyce var einn margra til að heillast af ljóði Mangan og samdi meira að segja við það lítinn lagstúf sem Hoiby nýtir sér í tjáningarríkri og litskrúðugri rapsódíu sinni en verkið ber undirtitilinn Rapsódía um stef eftir James Joyce.
Á undan tónleikunum verður boðið upp á tónleikaspjall klukkan 12:30. Aðgangur á spjallið er ókeypis og öll velkomin.
Efnisskrá
Frank Bridge (1879 – 1941) Fantasía fyrir píanókvartett
Lee Hoiby (1926 – 2011) Dark Rosaleen (2000)
Antonín Dvorák (1841 – 1904) Píanókvartett nr. 1 í D-dúr
Tónleikarnir eru styrktir af lista- og menningarráði Kópavogsbæjar.
Draumar og þrár eru viðfangsefni þessara heillandi tónleika þar sem fléttast saman sígildir smellir og splunkuný tónlist í túlkun Ragnheiðar Ingunnar Jóhannsdóttur, sópransöngkonu og Evu Þyri Hilmarsdóttur, píanóleikara.
Hér mætast draumkennd stef úr ólíkum áttum: Barnagælur, poppmúsík, leikhústónlist, einleiksverk og sönglög eftir nokkur af ástsælustu tónskáldum tónlistarsögunnar svo sem Franz Schubert, Jean Sibelius, Sergei Rachmaninov, Edvard Grieg og ABBA en tónlistin á það öll sammerkt að hverfast um drauma.
Á tónleikunum verða að auki frumflutt þrjú verk sem samin voru sérstaklega fyrir tilefnið að beiðni Ragnheiðar og Evu Þyri af þeim Maríu Huld Markan Sigfúsdóttur, Jóhanni G. Jóhannssyni og Sigurði Sævarssyni.
Eldri íslensk einsöngslög fá að sjálfsögðu líka sinn sess, meðal annars verða flutt lög eftir Sigvalda og Selmu Kaldalóns, Jórunni Viðar og Sigfús Einarsson. Söngljóð verða í forgrunni en einnig hljóma þekkt einleiksverk sem lúta að draumum svo sem Träumerei eftir Robert Schumann og Liebestraum eftir Franz Liszt.
Á undan tónleikunum verður boðið upp á tónleikaspjall sem hefst klukkan 12:30. Aðgangur á tónleikaspjallið er ókeypis og öll hjartanlega velkomin á meðan húsrúm leyfir.
Lista- og menningarráð styrkir tónleikaröðina Tíbrá.
Undursamleg kammertónlist eftir Claude Debussy, Clöru og Robert Schumann, Heitor Villa-Lobos og Skúla Hallldórsson í flutningi þriggja frábærra hljóðfæraleikara, Bjargar Brjánsdóttur á flautu, Hrafnhildar Mörtu Guðmundsdóttur á selló og Richard Schwennicke á píanó.
Gullfallegt Píanótríó Claude Debussy er þungavigtarverk þessara tónleika en verkið samdi franska tónskáldið einungis átján ára gamall, árið 1880. Hér hljómar tríóið í útgáfu fyrir þverflautu, selló og píanó en tónmál þessa draumkennda og ljóðræna verks hentar flautunni einkar vel. Þrjár rómönsur (1853) Clöru Schumann eru fullar af skemmtilegum andstæðum, trega jafnt sem dillandi leikgleði en rómönsurnar samdi Clara upphaflega fyrir fiðluvirtúósinn Josep Joachim. Það hljómar hér í töfrandi útgáfu fyrir flautu og píanó. Robert Schumann samdi Adagio og Allegro árið 1849 en þetta hárómantíska verk hljómar hér fyrir selló og píanó. Flauta og selló takast á og leika listir sínar í krefjandi og fjörugum dúett eftir Heitor Villa-Lobos og ekki má gleymdi titilverki tónleikanna, Mánasilfri Skúla Halldórssonar, heillandi en sjaldheyrðri perlu úr íslenskum tónbókmenntum.
Efnisskrá
Clara Schumann (1819 – 1896) Þrjár rómönsur, op. 22
Robert Schumann (1810 – 1856) Adagio og Allegro, op. 70
Heitor Villa-Lobos (1887 – 1959) Assobio a Jato fyrir flautu og selló
KIMA tríó skipa Þórgunnur Anna Örnólfsdóttir, mezzósópran, Katerina Anagnostidou, slagverksleikari og Jónas Ásgeir Ásgeirsson harmóníkuleikari. Á efnisskrá eru frumflutningur á Livia‘s Room eftir Þuríði Jónsdóttur og nýju verki eftir Kolbein Bjarnason.
KIMI hefur vakið verðskuldaða eftirtekt og viðurkenningu fyrir ferskt og áhugavert efnisval en þau hafa starfað náið með fjölda tónskálda auk þess að hafa einbeitt sér að eigin útsetningum á þjóðlagatónlist.
Hér frumflytur hópurinn tvö spennandi verk sem bæði hverfast um persónur frá dögum Rómarveldis. Í Livias Room eftir Þuríði Jónsdóttur er það keisaraynjan Lívía Drúsilla, fyrsta keisaraynja Rómarveldis og eiginkona Ágústusar keisara en í verki Kolbeins er það nautnaseggurinn og stríðsmaðurinn Markús Antóníus, hægri hönd Sesars og erkióvinur Ágústusar keisara. Þessar tvær ólíku persónur skapa áhugaverðar hliðstæður sem endurspegla ólíka stöðu kynjanna, bæði á tímum Rómarveldis sem og í sögubókunum. Verkin sýna þannig hvernig varpa má nýju ljósi á fornan arf sem vekur áhorfendur til umhugsunar og hvetur til frekari forvitni.
Verk Þuríðar byggir á leikverki eftir norska leikskáldið og rithöfundinn Lene Therese Teigen en textinn í verki Kolbeins er sóttur til Konstantinos Kavafis, eins helsta ljóðskálds Grikklands.
Á undan tónleikunum, klukkan 12:30 verður boðið upp á spjall um efnisskrá tónleikanna. Aðgangur á spjallið er ókeypis og öll velkomin.
Lista- og menningarráð styrkir tónleikaröðina Tíbrá.
It looks like you are using more than one window or tab, the tickets in this window are no longer available. Please click "OK" to search for new tickets.
You can move your seats by clicking the "Move" button. Then when you have moved to new seats you click the "Continue" button to confirm the change or the "X" in the top bar to cancel the change.
This event has social distancing rules applied so the system will select the best available seats for you while ensuring correct social distancing.
Click on the auto select button in the top right corner to change your selection to a new position in the hall (you automatically get the best ranked seats in your selected price zone).
You click on a seat to move all of your selected seats.
You click on a seat to select your seats one by one. After a seat is chosen you can change ticket type by clicking on it in the basket and selecting a new one. Some ticket types require you to select more than one seat.
Click on the auto select button in the top right corner to change your selection to a new position in the hall (you automatically get the best ranked seats in your selected price zone).
You cannot leave a single seat free when selecting.
