Marsípan!
Mars er mættur og Túttífrútturnar bjóða til burlesk fögnuðar sem hæfir mánuðinum – besti molinn í nammiskálinni er jú að þeirra mati marsípan molinn! Mars verður mulið og panið massað í hvívetna á sýningu þar sem leikið verður með kynhlutverk, kynbirtingar og kynvitund. Kynnir kvöldsins er hin undursamlega Úlla la Delish og sviðsgestur boylesque stjarnan Saint Edgar.
Burlesk er sviðslistaform sem einblínir á jákvæða líkamsímynd sem er endurspeglað í gríni, dans og almennum gleðilátum. Oft er því um hold og fullorðinshúmor um að ræða og sýningin ætluð 20 ára og eldri.
Upphitun í aðdraganda sýningarinnar, myndir og brot frá fyrri sýningum Túttífrútti má finna á https://www.instagram.com/tuttifrutturnar/
Miðaverð í forsölu: 2.200
Miðaverð við hurð: 2.900