Event info

“Margrét stýrði árshátíð hjá okkur á einstaklega faglegan hátt. Hún var fyndin, frumleg og náði salnum í stuð á örskömmum tíma. Hún stýrði einnig dagskránni svakalega vel og allt gekk upp eins og í sögu. Það er alveg frábært að láta svona kvöld í hendur á þessari miklu fagmanneskju og fá að slaka á og skemmta sér eins og allir aðrir gestir.”   - Tinna Pétursdóttir, Men&Mice

Margrét Maack er einn vinsælasti veislustjóri landsins en er nú á leið í fæðingarorlof og langar að kenna allt sem hún kann svo að gat myndist ekki í markaðnum. Námskeiðið er smíðað utan um að veislustýra fyrirtækjaveislum, en þarna eru líka hlutir sem koma að góðum notum við veislustjórn afmæla og brúðkaupa. Innifalið í verði námskeiðsins er matur á Sæmundi í sparifötunum.

Námskeiðið er þrír tímar og fer fram í Gym og Tonic-salnum á Kex Hostel. Athugið að námskeið gæti farið yfir tíma. Aðeins eru 15 pláss á hverju námskeiði.

Farið verður yfir veislustjórn frá ýmsum hliðum; hvers er ætlast til af veislustjóra, að koma sér á framfæri, peningamál, gildrur til að varast, samskipti við árshátíðarnefnd og yfirþjón, að búa til efni, að raða upp dagskrá og margt fleira. Margrét tekur lífinu almennt létt, en skemmanahaldi grafalvarlega.

12. ágúst - kvöldnámskeið kl. 18:00

13. ágúst - hádegisnámskeið kl. 11:00

19. ágúst - kvöldnámskeið kl. 18:00 

Komdu með blað og penna eða ipad/tölvu til að skrifa punkta. Endilega undirbúðu spurningar til að þú fáir sem allra mest út úr námskeiðinu.

“Ég hef setið sem gestur í veislu þar sem Margrét Erla Maack var veislustjóri og get sagt að hún var fyndin, skemmtileg, hugmyndarík og ógeðslega hress. Mæli sterklega með henni.”  - Þorsteinn Guðmundsson, grínisti

“Held ég hafi aldrei hlegið jafn mikið á árshátíð eins og þegar Margrét var veislustjóri!”  - Dóra Björg, Elko

“Ef það væri nú bara hægt að klóna þessa konu!! Ég er ekki frá því að líf allra verði örlítið betra eftir  að upplifa veislu sem hún veislustýrir - ég veit allavega að það er mín reynsla!”  - María Dís, Opnum kerfum

“Ég var á KSÍ þinginu 2019, þar sem Margrét skemmti og plötusnúðaði. Ég og minn maður okkur konunglega! Besta þing sem ég hef farið á - og við erum búin að fara í 20 ár!!”  - Steinunn Óskarsdóttir