Einstakur viðburður fyrir allar konur í upplýsingatækni. Þétt dagskrá með fræðandi fyrirlestrum þar sem við eflum tengslanetið og njótum botnlausrar gleði.
HVENÆR: Fimmtudaginn 9. maí kl. 12:30- 19:00
HVAR: Iðnó, Vonarstræti Reykjavík
12:30 - Húsið opnar
13:00 - Ávarp ráðherra
Þórdís Kolbrún R. Gylfadóttir, dómsmála-, ferðamála-, iðnaðar- og nýsköpunarráðherra
13:10 - Hlutverk stjórnandans í tækniumhverfinu
Birgitta Strange, IoT Innovation Manager hjá Marel á Íslandi
Hvernig er að koma inn sem nýr stjórnandi í tæknifyrirtæki? Hvað er spennandi við hlutverkið? Hvað er erfitt? Hvernig náum við árangri?
13:40 - Valkyrja í eigin lífi
Ragnhildur Ágústsdóttir, sölustjóri samstarfsaðila hjá Microsoft á Íslandi
Hvatningaóður til kvenna í tæknigeiranum sem byggir á persónulegri reynslu Ragnhildar af mótlæti í starfi og hvernig snúa megi vörn í sókn. Hagnýtt og persónulegt erindi sem er til þess fallið að fylla okkur innblæstri og orku til frekari afreka.
14:10 - Stafrænar konur!
Þorbjörg Helga Vigfúsdóttir, stofnandi Kara Connect
Tækifærin eru kvenna í tækni. Á sama tíma og tækni breytir öllum störfum eru allt of fáar konur að grípa tækifærin. Hvað getum við gert?
14:40 - Kaffihlé
15:00 - Elín Gränz, einn af stofnendum Vertonet og kyndilberi könnunar um stöðu kvenna í upplýsingatækni mun fara yfir fæðingu hennar. Í framhaldi fer Lydía yfir niðurstöðurnar.
15:10 - Hver er staða kvenna í upplýsingatækni á Íslandi?
Lydía Ósk Ómarsdóttir, ráðgjafi hjá Intellecta ehf.
Farið verður yfir niðurstöður könnunar sem Intellecta gerði í samstarfi við Vertonet um stöðu kvenna í upplýsingatækni á Íslandi. Hvert er hlutfall kvenna í upplýsingatæknistörfum á Íslandi? Hver er upplifun kvenna af störfum í upplýsingatækni og hvernig getum við hvatt fleiri konur til þess að starfa í geiranum?
15:40 - Pallborðsumræður um könnun Intellecta
Í pallborði sitja: Dr. Ari Kristinn Jónsson rektor HR, Sesselja Vilhjálmsdóttir framkvæmdastjóri Tagplay og Ragnheiður H. Magnúsdóttir forstöðumaður framkvæmda hjá Veitum sem jafnframt leiðir umræðuna.
16:00 - Veiting viðurkenninga
16:30-19:00 - Teygjum á tengslanetinu
Léttar veitingar í lok dags.
Fundarstjóri: Sigríður Mogensen, sviðsstjóri hugverkasviðs Samtaka iðnaðarins
Þátttökugjald er 3.900 krónur, skráning og greiðsla fer fram hér á tix!