Event info

Tónleikaröðin Sumar í Havarí hefur verið haldin nokkrum sinnum og margir eflaust orðnir spenntir að sjá dagskrá ársins 2019. Sumar í Havarí er nefnilega orðinn einn af vorboðunum ljúfu sem gleður með blöndu af taumlausri sveitasælu og söng.
Á Karlsstöðum búa hjónin Berglind Häsler og Svavar Pétur Eysteinsson, þau eru þar með gistiheimili, tónleikastað, matstofu, snakkgerð og menningarstarfsemi undir merki Havarí.

Havarí hefur það yfirlýsta markmið að gefa listamönnum athvarf til að vinna að verkum sínum og búa þeim til vettvang til að opinbera þau.

Eitt af þeim athvörfum er Sumar á Havarí sem er haldið í þriðja skipti í ár - en dagskrá sumarsins er eftirfarandi:

Laugardagur 15. júní:
Hjálmar ræsa sumarið og fylla hlöðuna af gleði og hamingju.  Sala á tónleika Hjálma 15. júní er hér: https://tix.is/is/buyingflow/tickets/7787/

Föstudagur 5. júlí:
Ein af okkar allra mögnuðustu listakonum, Mr. Silla, heldur tónleika ásamt Jae Tyler. Prins Póló hitar upp.

Laugardagur 6. júlí:
Búkalú um lönd og lendar. Fullorðins fjölbragðasýning með fjölda innlendra og erlendra kabarettlistamanna.

Föstudagur: 26. júlí:
Sveitaball með hinum óviðjafnanlegu og óútrýmanlegu Geirfuglum.

Laugardagur 17. ágúst:
Hinir árlegu tónleikar FM Belfast í Havarí eru löngu orðnir goðsögn. Þau slá botninn í sumarið og rífa þakið endanlega af hlöðunni!