Event info

Í tilefni af 40 ára afmæli The Wall ætla Dúndurfréttir að flytja meistaraverkið í Eldborgarsal Hörpu ásamt sinfóníuhljómsveit og kórum.  Verður öllu til tjaldað til til að gera þessa hljómleika sem flottasta enda var hljómsveitin Pink Floyd þekkt fyrir ótrúlegt sjónarspil á tónleikum sínum.

Þetta meistaraverk Pink Floyd þarf litla sem enga kynningu.  Platan sem kom út árið 1979 er ein mest selda plata tónlistarsögunnar og hrein unun að sjá verkið spilað með hljómsveit, sinfóníuhljómsveit og kórum. Það verður því sannkölluð veisla fyrir augu og eyru í apríl í Eldborgarsal Hörpu.

Stjórnandi: Bernharður Wilkinsson
Útsetning: Haraldur Vignir Sveinbjörnsson
Kórar: Hljómeyki og Barnakór Kársnesskóla
Ljósahönnun: Magnús Helgi Kristjánsson
Hljóð: Haffi Tempó