Tónskáldið og doktorinn Sigvaldi Kaldalóns átti litríka ævi. Hann tók við læknisembætti í einu afskekktasta læknishéraði landsins fyrir vestan. Víst var lífið þar ekki eins og í einföldum söngleik. Þrátt fyrir það samdi Sigvaldi margar af sínum helstu sönglagaperlum á Kaldalónsárunum. Nægir þar að nefna Ég lít í anda liðna tíð, Þú eina hjartans yndið mitt, Svanurinn minn syngur ofl. Rakin verður þessi litríka saga tónskáldsins fyrir vestan og fluttar helstu perlur hans. Leikurinn hefur verið sýndur í Hannesarholti í Reykjavík við einstaklega góðar viðtökur og smekkfullum sal trekk í trekk.
Höfundur/Leikari: Elfar Logi Hannesson
Hljóðfæraleikari: Sunna Karen Einarsdóttir
Lýsing: Magnús Arnar Sigurðarson
Leikmynd/Búningar: Marsibil G. Kristjánsdóttir
Leikstjórn: Þröstur Leó Gunnarsson