Enn á ný leggur SkonRokkshópurinn af stað í ferðala og nú skal gera líkt og í fyrra, heimsækja Akureyri, Egilsstaði og Reykjavík.
SkonRokkshópurinn samanstendur af hljómsveitinni Tyrkja-Guddu og úrvali íslenskra söngvara sem vita fátt skemmtilegra en rokka. Án vafa eru hér á ferð, bæði í hljómsveitinni og söngvarahópnum, listamenn á heimsmælikvarða þegar kemur að rokki.
Hljómsveitina skipa: Birgir Nielsen á trommur, Ingimundur Óskarsson á bassa, Stefán Örn Gunnlaugsson á hljómborð og gítarleikararnir Sigurgeir Sigmundsson og Einar Þór Jóhannsson.
Söngvararnir eru þeir Birgir Haraldsson, Magni Ásgeirsson, Pétur Örn Guðmundsson, Eyþór Ingi Gunnlaugsson og Stefán Jakobsson. Í Hörpu verður svo Stefanía Svavarsdóttir sérstakur gestur.
Tónlistin kemur víða að, en þetta er ekki flókið. Þetta eru bara allar sleggjurnar – rjóminn af því besta í rokkinu frá hljómsveitum á borð við Led Zeppelin, Deep Purple, Kiss, ACDC, U2, Metallica, Journey, Whitesnake, Guns N Roses og svona mætti lengi telja.
Tónleikar sem enginn sannur
rokkari á að missa af.