Event info

Sibyl Urbancic er kvöldgestur í Hannesarholti fimmtudaginn 20.september. Hún segir frá sjö stórum áhrifavöldum á lífsferli sínum.Frásagnir með myndum og tóndæmum. 

Auk Sibylar koma fram Kristín E. Mäntylä, söngkona,

Sibyl Urbancic er fædd í Graz, Austurríki, uppalin og skólagengin í Reykjavík, stúdent frá MR 1957, hóf norrænunám við Háskóla Íslands, en lagði stund á kirkjutónlist og orgel sem einleikshljóðfæri við Tónlistarháskóla Vínarborgar, sem hún varð síðar kennari við. Hún var blaðamaður við Tímann á yngri árum, fréttaritari Morgunblaðsins frá Vín og þýðandi úr ýmsum málum á íslensku, úr íslensku á þýsku. 

Tónlistin hefur átt hug hennar, hún hefur stundað tónleikahald og upptökur sem einleikari á orgel, meðleikari á sembal, síðar aðallega sem kórstjóri víða um heim. Einnig víðtækt námskeiðahald og störf í dómnefndum auk þess sem hún stofnaði söngflokkana La Cappella og VOCES, WIEN. Sibyl lærði til kennsluréttinda í Feldenkrais, sem er aðalatvinna hennar í dag. Hún stofnaði barnakórskólann NANO og stjórnaði honum í 10 ár, eftir að háskólakennslu lauk. 

Sibyl hefur haldið tengslum við heimaland sitt Ísland og haldið hér tónleika og unnið með kórum. Síðan Margrét Pálmadóttir bauð henni að taka að sér verkefni með Vox Feminae stuttu eftir stofnun hefur hún haldið tónlistar- og Feldenkrais-námskeið reglulega, minnst tvisvar árlega (og kennt við Söngskólann í Reykjavík), nokkrum sinnum í Hveragerði, Hafnarfirði, Kópavogi, Garðabæ, á Akureyri, Selfossi, Hvanneyri og Skálholti.   Sibyl býr í Vín.   

Miðaframboð er takmarkað, miðasala á tix.is   

Veitingastofurnar í Hannesarholti eru opnar fram á kvöld og býðst að snæða kvöldverð á undan kvöldstundinni. Borðapantanir í síma 511-1904 eða á hannesarholt@hannesarholt.is  Matseðil dagsins má skoða á heimasíðu Hannesarholts www.hannesarholt.is