Event info

MIMRA verður ásamt hljómsveit á tónleikaferðalagi í sumar til að kynna nýútkomna plötu sína Sinking Island. Tónlist MIMRU er í alternative folk stíl, orchestral pop á stórum skala en samt sem áður einlæg, vönduð og lætur engann ósnortinn. Hljómsveitina skipa þrjár öflugar tónlistarkonur. María Magnúsdóttir söngkona, lagahöfundur og hljómborðsleikari, Sylvía Hlynsdóttir (Bjork, Jónas Sig) spilar á trompet og synta og Jara Holdert spilar á gítar og syngur. Jara sjálf er stórkostlegt söngvaskáld frá Hollandi og mun hita upp fyrir hljómsveitina á tónleikum þeirra. Tónlist MIMRU er fullkomin fyrir aðdáendur Feist, Bat for Lashes og Laura Mvula og tónlist Jöru ber keim af söngvaskáldum 7. áratugarins; Bob Dylan og Joni Mitchell.  

Platan Sinking Island kom út í fyrra og hefur verið vel tekið, platan er heildstætt verk út í gegn þar sem MIMRA sá um upptökustjórn og hljóðhönnun. Textar plötunnar eru að miklu leiti sprottnir frá reynslu Maríu eftir sambandsslit þegar fyrrverandi maður hennar kom út sem trans kona. Platan er fáanleg á geisladisk og vinyl sem og gegnum allar helstu streymiveitur.