Tix.is

  • Aug 21st 8:00 PM
  • Aug 21st 8:00 PM
Ticket price:12.900 - 14.900 kr.
Event info

ARCADE FIRE

Í NÝJU LAUGARDALSHÖLL, 21. ÁGÚST

Hr. Örlygur kynnir með miklu stolti komu hljómsveitarinnar Arcade Fire til landsins í fyrsta sinn.

Arcade Fire var stofnuð í blábyrjun aldarinnar í Montreal, Kanada af bekkjarbræðrunum Win Butler, söngvara sveitarinnar, og Josh Deu. Sveitin er ekki síst þekkt sem eins konar fjölskylduband þar sem Régine Chassagne, eiginkona Butler, og yngri bróðir hans, William Butler, eru einnig á meðal meðlima.

Um er að ræða hljómsveit sem ber á borð töfrandi hljóðheim plötu eftir plötu, tónleika eftir tónleika þar sem meðlimirnir — sem eru níu talsins á tónleikum — eru hver öðrum fjölhæfari þegar kemur að hljóðfæraleik. Kanadamennirnir styðjast við allt frá heiðarlegum rafmagnsgítörum yfir í fiðlu, selló, franskt horn, hörpu, mandólín og hljóðgervla til að töfra hlustendur á sitt band á tónleikum.

Allt frá því að fyrsta plata sveitarinnar, Funeral, leit dagsins ljós árið 2004 hefur hljómsveitin skipað sér á bekk með fremstu rokkböndum heims. Upp frá því hefur hún þróað hljóm sinn með fjórum plötum til viðbótar — Neon Bible (2007), The Suburbs (2010), Reflektor (2013) og Everything Now (2017) — en hver einasta þeirra var tilnefnd til Grammy-verðlauna í flokknum Best Alternative Music Album. Raunar eru áhrif sveitarinnar hljómsveitarinnar slík að hún hefur meðal annars verið kölluð „bjargvættur indírokks“ af The Guardian, þökk sé tilfinningaþrungnum laga- og textasmíðum sínum ásamt skemmtilega sérviturri ímynd.

“Gagnrýnendur og tónistarskríbentar vilja margir meina að Arcade Fire sé besta hljómsveit í heimi. Ekki slæm nafnbót það. Þar af leiðandi er það hvalreki að fá þau til landsins. Þetta verða síðustu tónleikarnir á Everything Now tónleikaferðalaginu þeirra og þau munu nota tækifærið og ferðast um Ísland í kjölfarið,”

Segir Þorsteinn Stephensen, tónleikahaldari, og bætir við;

“Þetta verður einstök upplifun. Ekki nóg með það að þetta sé mögnuð tónleikasveit þá eiga þau bara svo mörg góð lög og höfða til svo breiðs hóps. Ég ætla að leyfa mér að spá að þetta verði einhverjir þeir bestu tónleikar sem nokkurntíman hafa verið haldnir á Íslandi.”

Lagið Everything Now af samnefndri plötu var vægast sagt áberandi á fjölda útvarpsstöðva hérlendis síðastliðið sumar og bættist þar með á perlum prýddan lagalista sveitarinnar sem Íslendinga þyrstir án efa í að heyra í Höllinni 21. ágúst nk

Vinsamlega athugið að á tónleikunum eru eingöngu standandi miðar í boði, A svæði er fremra svæði salarins og B svæði það aftara.

Nánari upplýsingar veitir Þorsteinn Stephensen (steini@destiny.is / 774-7884)