Tix.is

  • Jun 19th 8:00 PM
Ticket price:12.200 - 14.900 kr.
Event info

ROYAL BLOOD Í LAUGARDALSHÖLL 19. JÚNÍ

Hr. Örlygur kynnir með stolti að ein mest spennandi rokksveit þessa áratugar, Royal Blood, er væntanleg til landsins í sumar og verður með tónleika í Laugardalshöll 19. júní.

Royal Blood er dúett stofnaður af söngvaranum og bassaleikaranum Mike Kerr og trymblinum Ben Thatcher í Brighton, Englandi. Sérstaða sveitarinnar er ekki síst sú að sveitarmeðlimir eru bara tveir, samt fylla þeir upp í slíkt hljóðrými að það mætti halda að tuttugu manns væru að verki. Fyrsta plata þeirra sem samnefnd var sveitinni og kom út árið 2014 sló rækilega í gegn. Á henni voru slagarar á borð við “Out Of The Black”, “Little Monster”, “Come On Over” og “Figure It Out”. Allt lög sem tóku sér sæti á vinsældarlistum víðsvegar um heiminn. Síðasta sumar kom svo önnur plata sveitarinnar, How Did We Get So Dark, út og sagan endurtók sig. Hver einasta smáskífa til þessa hefur slegið í gegn.

Á tónleikum þykir Royal Blood bjóða upp á magnaða upplifun. Íslenskir rokkarar eiga því von á góðu.; “Þetta er ævintýralega góð tónleikasveit.”, segir Þorsteinn Stephensen, tónleikahaldari og bætir við; “Ég hef verið í sambandi við þá í talsverðan tíma. Þeir hafa lengi haft áhuga á að koma til Íslands en það er bara búið að vera svo mikið að gerast hjá þeim að það hefur bara ekki fundist tími fyrr en núna. Ég þori að lofa að þetta verða magnaðir tónleikar og enginn íslendingur sem er með einhvern vott af rokki í sér getur látið þetta framhjá sér fara.”

Royal Blood hefur verið ein mest spilaða hljómsveitin á útvarpsstöðinni X977 og @Frosti Logason útvarpsmaður hafði þetta um sveitina að segja; “Royal Blood er hljómsveit sem kom inná sjónarsviðið með svakalegum látum. Ég á erfitt með að nefna sveit sem hefur tekið sér jafn afgerandi stöðu á jafn skömmum tíma. Það komu tvö lög frá þeim 2014 ef ég man rétt, “Little Monster” og “Out of the Black" sem voru bæði frábær og fóru strax í dúndrandi spilun hjá okkur á X-inu. Þetta var það fyrsta sem ég heyrði frá þeim og ég varð strax hooked. Síðan þá hefur bara hver einasta smáskífa frá sveitinni farið á flug. Við erum mikið beðnir um að spila Royal Blood og þeir rúlla nokkrum sinnum á dag á X-inu hvern einasta dag. Ég er viss um að það verði alveg dúndrandi stemmning fyrir þessum tónleikum og ég hlakka mikið til fara á þá sjálfur."