Event info

Sinfóníuhljómsveit unga fólksins heldur tónleika í Langholtskirkju föstudaginn 24. nóvember kl. 20.00.  

Á tónleikunum verður leikinn Sprettur, bráðfjörugt verk eftir Tryggva M. Baldvinsson sem hann samdi fyrir hljómsveitina árið 2006. Þá leikur Geirþrúður Anna Guðmundsdóttir einleik í konsert fyrir selló og hljómsveit eftir Joseph Haydn. Loks flytur hljómsveitin Rínarsinfóníuna svokölluðu eftir Róbert Schumann, en hún er einstaklega glæsilegt verk. 

Stjórnandi á tónleikunum er Gunnsteinn Ólafsson. Sinfóníuhljómsveit unga fólksins var tónlistarhópur Reykjavíkur árið 2016.

Miðaverð er kr. 3.000 en nemendur, eldri borgarar og öryrkjar geta fengið afsláttarmiða á kr. 2000 við innganginn.