Event info

Mið-Ísland mætir á Selfoss laugardaginn 8. apríl með splunkunýtt og brakandi ferskt uppistand!

Sýningar Mið-Íslands hópsins eru langsamlega vinsælustu uppistandssýningar Íslands frá upphafi en seinustu ár hafa um 55.000 áhorfendur mætt á þær og hlegið sig máttlausa, tvo klukkutíma í senn.

Fyrri sýningar hópsins „Mið-Ísland í Kjallaranum“, „Áfram Mið-Ísland“, „Lengi Lifi Mið-Ísland“ og „Mið-Ísland 2016“ gengu allar fyrir fullu húsi og er samanlagður sýningafjöldi hópsins frá upphafi kominn langt yfir 300 sýningar.

Sýningin á Hótel Selfossi er um tvær klukkustundir með hléi. Gestir eru hvattir til að mæta tímanlega til að ná góðum sætum.

Ef hláturinn lengir lífið stefnir Mið-Ísland að ódauðleika!

Ummæli gesta frá fyrri sýningum Mið-Íslands:

„Ég kastaðist til af hlátri og skallaði vegg á sýningunni. Ég er massívur aðdáandi.“ – Ágústa Eva Erlendsdóttir, leikkona

„Loksins á Reykjavík alvöru uppistandssenu! Mið-Ísland er fyndnasta sýningin í borginni í mörg ár.“ – Gísli Marteinn Baldursson, sjónvarpsmaður

„Ógeðslega fyndið grín beint úr íslenskum samtíma. Þurfti að leggja mig inn á heilsuhælið í Hveragerði í kjölfarið.“ – Brynhildur Pálsdóttir, vöruhönnuður

„Ég hlæ ekki að hverju sem er, en ég hló mjög mikið á þessu uppistandi.“ – Heiða Kristin Helgadóttir, stjórnmálakona

„Það er dásamlegt að setja á sig góðan ilm og fara á sýningu þar sem allir eru meira og minna hlæjandi. Vagga íslenskrar uppistandsmenningar á skilið góðan ilm. Lifi Mið-Ísland!“ – Gunnar á Völlum, sjónvarpsmaður og skemmtikraftur.

„Sökk svo djúpt ofan í grínfenið á síðustu sýningu að Fjölnir Þorgeirsson er enn að reyna að draga mig upp.“ – Hrafn Jónsson, pistlahöfundur

„Loksins eitthvað fyndið eftir að Randver var rekinn!“ – Hjörvar Hafliðason, íþróttafréttamaður og dagskrárstjóri

„Stórkostlegt í alla staði. Maður finnur sálina léttast með hverri hláturroku og horfir á fýlúpúkana í kringum sig bráðna og brosa út í annað.“ – Guðrún Sóley Gestsdóttir, dagskrárgerðarkona á RÚV