Event info

Rapp í Reykjavík á Húrra

Ársfundur íslensku rappsenunnar verður haldinn við hátíðlega athöfn um hvítasunnuhelgina 13.-15. maí. Merkiskonur og iðnjöfrar hafa boðað komu sína og gefst öllum eldri en 20 ára tækifæri á að fylgjast með pallborðsumræðum öll kvöldin fyrir 6000 kr., stakt kvöld á 3000 kr.

Fundarstörf verða öll í bundnu máli ásamt undirspili.

Fram koma Úlfur Úlfur, Forgotten Lores, Reykjavíkurdætur, Sturla Atlas, Kött Grá Pje, Herra Hnetusmjör, Aron Can, Cell7, Fallegir Menn, Geimfarar, Vaginaboys, GKR, Heimir Rappari og síðast en ekki síst Shades of Reykjavík.

Hús opnar kl. 20 og dagskrá hefst kl 21 öll kvöld.

Við munum fagna þeirri sístækkandi rappsenu sem við eigum, taka vel á móti nýliðum og hampa hinum þaulreyndu og gamalgrónu sem hafa verið iðin við rapplopann í meir en áratug.

Dagskrá helgarinnar:

Föstudagur: Forgotten Lores, Kött Grá Pje, Geimfarar, Shades of Reykjavík, Heimir Rappari

Laugardagur: Vaginaboys, Sturla Atlas, GKR, Reykjavíkurdætur

Sunnudagur: Úlfur Úlfur, Cell7, Aron Can, Fallegir Menn, Herra Hnetusmjör