Event info

Netsölu er nú lokið, miðasala er við inngang

KJARKUR +STYRKUR = ÁRANGUR!

Félag markþjálfa á Íslandi heldur Markþjálfunardaginn í fjórða sinn þann 17. febrúar nk á Hilton Reykjavík Nordica frá kl. 13.00 - 17.00. Húsið opnar kl 12.30 og dagskrá hefst kl 13.00. Félagið var stofnað árið 2005 og er markmið þess að kynna fagið og standa vörð um faglegan og fræðilegan grunn greinarinnar.

“Kjarkur + styrkur = árangur” er yfirskrift Markþjálfunardagsins og meðal dagsskráratriða er reynslusaga forstjóra um árangursríkari vinnubrögð með aðferðum markþjálfunar, væntingavísitala fjárfestingar í markþjálfun, leikkona í nýju hlutverki, áskoranir prests í starfi, framkvæmdastjóri og leiðtogahlutverkið, mannauðsstjóri með markþjálfun á heilanum og sérfræðingur í straumlínustjórnun fjallar um ósigra og áhrif þeirra. Í lokin mun Bergur Þór Ingólfsson, leikari byggja heilan heim.

FYRIRLESARAR DAGSINS ERU:
Aðalheiður Sigursveinsdóttir, stjórnendaráðgjafi og markþjálfi
Anna G. Steinsen, heilsumarkþjálfi
Anna María Þorvaldsdóttir, mannauðsstjóri og ACC stjórnendamarkþjálfi
Bergur Þór Ingólfsson, leikari og leikstjóri
Charlotte Böving, leikkona og markþjálfi
Friðþóra (Adda) Sigfúsdóttir, jógakennari og markþjálfi
Guðríður Sigurðardóttir, ráðgjafi og markþjálfi
Hafsteinn Bragason, mannauðsstjóri og markþjálfi
Helgi Bjarnason, forstjóri
Hildur Jakobína Gísladóttir, stjórnunarráðgjafi og markþjálfi
Sigurður Pálsson, framkvæmdastjóri og markþjálfi
Skúli Ólafsson, prestur og markþjálfi

Markþjálfunardagurinn er frábær vettvangur fyrir áhugafólk um markþjálfun sem og fyrir þá sem vilja styrkja tengslanetið og fylla hugann af gleði og góðum hugmyndum sem hjálpa til við að ná enn betri árangri í lífi og starfi.

Miðaverð er kr. 11.800 en kr. 9.800 í snemmsölu til og með 7.febrúar. Öll erindi dagsins innifalin í miðaverði ásamt léttum veitingum og gleðistund í lokin.

Um markþjálfun:

Markþjálfun er ört vaxandi grein um allan heim og hefur aldeilis verið að ryðja sér til rúms á Íslandi á undanförnum árum. Á ensku nefnist markþjálfun “coaching” og er oft talað um life coaching eða executive coaching. Hvort sem markþjálfun er nýtt fyrir persónuleg eða starfstengd viðfangsefni þá er markþjálfun aðferðafræði sem virkar og er komin til að vera.

Á erlendri grundu er markþjálfun þekkt grein og hafa margir vel þekktir einstaklingar lýst því yfir að markþjálfun sé leyndardómurinn á bakvið farsælni þeirra.

Markþjálfun er samtal sem auðveldar fólki eða stjórnendum að skilgreina fagleg og persónuleg markmið, gera þau framkvæmanleg og ná þeim á árangursríkan hátt. Markþjálfi notar kraftmiklar spurningar til að efla sjálfsvitund og ábyrgð viðskiptavinarins. Markþjálfinn beitir virkri hlustun, veitir endurgjöf, hvetur áfram og þjálfar viðkomandi viðskiptavin eftir þörfum. Það eru til margar tegundir af markþjálfun fyrir utan almenna lífsþjálfun, til dæmis stjórnendamarkþjálfun, heilsumarkþjálfun, frumkvöðlamarkþjálfun o.fl.

Félag markþjálfa á Íslandi:
Félagið var stofnað árið 2005 og er markmið þess að kynna fagið og standa vörð um faglegan og fræðilegan grunn greinarinnar. Finna má upplýsingar um starfandi markþjálfa, viðburðinn sjálfan og fyrirlesara á síðu félagsins; www.markthjalfun.is. Einnig er hægt að finna félagið á Facebook undir markþjálfun.is