Event info

Tónlistarmaðurinn og Þorlákshafnarbúinn Tómas Jónsson ætlar að taka á móti góðu fólki í Versölum í Ráðhúsi Ölfuss á haustmánuðum. Þá bæði stórvala liði tónlistarfólks og einnig tónleikagestum úr fremstu röð því tilefnið er jú haust-tónleikaröð.

Á tónleikunum leikur Tómas á allskyns hljómborðshljóðfæri og tónlistarfólkið sem ætlar að saxa út í súpuna, ýmist með söng eða hljóðfæraleik, eru Ragga Gísla, Valdimar Guðmundsson, GDRN og hljómsveitin ADHD sem Tómas er meðlimur í endar tónleikaröðina.

Tímasetningar eru sem hér segir

- 22. sept - Ragga Gísla kl. 17

- 29. Sept - Valdimar kl. 17

- 20. Okt - GDRN kl. 17

- 27. Okt - ADHD kl. 20

Miðaverð er 4900 kr. og innifalið í miðaverði er kaffisopi og ástarpungar.