Þjóðargersemin Laddi heldur sína fyrstu tónleika ásamt hljómsveit í Hlégarði.
Skemmtunin fer fram fimmtudagskvöldið 29. ágúst kl. 20, í upphafi bæjarhátíðar Mosfellsbæjar, Í túninu heima.
Lögin sem Laddi hefur samið og sungið í gegnum tíðina skipta tugum ef ekki hundruðum. Lög sem hafa fest sig í sessi í þjóðarsálinni og tengjast minningum um gleði og góða tíma.
Hver man ekki eftir lögum á borð við „Flikk Flakk“, „Upp undir Laugarásnum“, „Gibba Gibb“, „Búkolla“ „Súperman“ og mörgum fleirum.
Um er að ræða einstakan viðburð sem engin ætti að láta framhjá sér fara.
Hljómsveitina skipa - ásamt Ladda:
Magni Ásgeirsson – Gítar/Söngur
Summi Hvanndal – Bassi/Söngur
Valur Freyr Halldórsson – Trommur/Söngur
Arnar Tryggvason – Hljómborð/Söngur
Pétur Steinar Hallgrímsson – Gítar/Söngur
Ármann Einarsson – Saxófónn
Valgarður Óli Ómarsson – Slagverk