Kæri dansvinur,
Íslenski dansflokkurinn fagnar 50 ára afmæli á árinu.
Laugardaginn 29. apríl verður blásið til afmælisendurvinnslugalaveislu í Borgarleikhúsinu,
uppskeruhátíðar þar sem við munum fagna fortíð, nútíð og framtíð.
Veislan hefst kl. 19.00 með hljóð- og
myndinnsetningum á minni sviðum hússins.
Kl. 20.00 hefst svo formleg dagskrá á Stóra sviðinu þar sem dansinn verður allsráðandi með öllum sínum óteljandi formum og tilfinningatengslum.
Minningar finna sér leið í dansi, við fögnum hringrásarkerfi áhrifa og sögum úr hversdagslífi dansara.
Gömul og ný spor verða stigin og við getum lofað því að það verður allt í senn grátið og hlegið.
Galaveislan endar svo með dansleik í forsal leikhússins þar sem við dönsum saman inn í nóttina.
Það væri okkur sönn ánægja ef þú hefur tök á að fagna þessum tímamótum með okkur.
Líta með okkur yfir farinn veg og fagna því ótrúlega starfi sem hefur verið unnið í gegnum árin og heiðra listamenn og aðra sem hafa komið við sögu.
En um leið að horfa með okkur fram á veginn og dreyma með okkur stóra drauma fyrir næstu 50 ár í sögu Íslenska dansflokksins.
Við hlökkum til að fagna með þér!
Með dansandi kærum kveðjum,
Íslenski dansflokkurinn & Afmælisnefndin
(Erna Ómarsdóttir, Saga Kjerúlf Sigurðardóttir og Valgerður Rúnarsdóttir)