Tix.is

Sale begins Dec 10th 10:00
Ticket price:9.990 - 11.990 kr.
Event info

- Almenn miðasala hefst föstudaginn 10. desember kl. 10
- Forsala hefst fimmtudaginn 9. desember kl. 10
- Skráning í forsölu hér

Nú er komið að því að merkismaðurin Laddi telur árin 75 og því ber að fagna. Þann 20. janúar næstkomandi, á sjálfum stórafmælisdeginum, stígur hann á svið í Háskólabíói, með góðum gestum og hljómsveit til að rifja upp ferilinn og fagna tímamótunum. Sýningin verður blanda af tónlist, gríni og skemmtilegum uppákomum.

GESTIR

  • Ágústa Eva

  • Ari Eldjárn

  • Eyþór Ingi

  • GDRN

Sérstakur gestur er Þórhallur Þórhallsson, sonur Ladda og einn fyndnasti maður Íslands. Heiðursgestur er Hörtur Howser, samferðamaður Ladda í tónlistinni síðustu 40 árin.

Svo er næsta víst að ofsalega sérstakir gestir láti einnig sjá sig, hvort sem þeim er boðið eða ekki, en þar erum við að tala um karaktera á borð við Elsu Lund, Martein Mosdal, Eirík Fjalar, Saxa og Magnús Bónda.

Fyrir hlé verður áhersla lögð á grín og glens ein í seinni hlutanum verður farið um víðan völl í tónlistarferli Ladda.

Ljóst er að það stefnir í skemmtilegustu kvöldstund ársins. Það verður hlegið, tónlistin mun óma og við fögnum öll saman með þjóðargerseminni Ladda á 75 ára afmælisdegi hans.


UM LADDA

Laddi er sannkallaður umskiptingur; skemmtikraftur sem klæðir sig í nýtt hlutverk ár eftir ár. Á ferlinum hefur hann sungið, leikið, samið og skrifað og alltaf hefur hann náð að láta okkur hlæja, gráta og undrast yfir því hvernig einn einstaklingur getur búið yfir svona miklum hæfileikum.

Öll höfum við séð hann á árum áður í Heilsubælinu, Imbakassanum og Spaugstofunni, í Áramótaskaupinu, bak við trommusettið og svo míkrafóninn á sviði með bróður sínum Halla. Nýlega setti hann upp eina vinsælustu grínsýningu Íslandssögunar: Laddi 6-tugur, sem gekk fyrir troðfullu húsi í tvö ár samfleytt og sjónvarpsþáttaröðin Jarðarförin sló öll met í Sjónvarpi Símans í fyrra. Kvikmyndaferillinn er einnig langur og skrautlegur, og þar má nefna snilldarmyndir á borð við Stella í Orlofi og Amma Hófý. Einnig hefur Laddi stigið á næstum öll leiksvið landsins, allt frá því að hann kom fram í Litlu hryllingsbúðinni í Gamla Bíói 1985, að Vesalingunum í Þjóðleikhúsinu, og allt þar á milli.


JÓN ÓLAFSSON - HLJÓMSVEITARSTJÓRN, ÚTSENDINGAR OG HLJÓMBORÐ
ANDRI ÓLAFSSON - BASSI OG RADDIR
HARALDUR V. SVEINBJÖRNSSON - HLJÓMBORÐ, GÍTAR OG RADDIR
KJARTAN HÁKONARSON -TROMPET, SLAGVERK OG RADDIR
MATTHÍAS STEFÁNSSON - GÍTAR, MANDÓLÍN, BANJÓ OG FIÐLA
SAMÚEL JÓN SAMÚELSSON - BÁSÚNA, SLAGVERK OG RADDIR
VILHJÁLMUR GUÐJÓNSSON - GÍTAR, MANDÓLÍN, SAXÓFÓNN OG RADDIR

GRÉTA BOÐA – GERVI, HÁR OG FÖRÐUN
GUNNAR HELGASON OG LADDI - HANDRIT
GUNNAR HELGASON -
LEIKSTJÓRN


Umsjón: Sena Live