Event info
Sigurður Flosason, saxófónn
Andrés Þór Gunnlaugsson, gítar
Þórir Baldursson, hammond
Einar Scheving, trommur
Kjartan Hákonarson, trompet
Samúel J. Samúelsson, básúna
Söngvarar:
Andrea Gylfadóttir
Helgi Björnsson
KK
Friðrik Ómar Hjörleifsson
Jógvan Hansen
Stefán Hilmarsson
Rebekka Blöndal
Hljómsveitin Sálgæslan heldur síðbúna tónleika til að fagna útgáfu
tveggja platna sem komu út á Covid-tímanum. „Blásýra“ kom út fyrir jólin
2020 en „Einbeittur brotavilji“ kom út í júlíbyrjun. Samtals eru 24
lög á diskunum. Sálgæslan er sérverkefni saxófónleikarans Sigurðar
Flosasonar sem er jafnframt höfundur allra laga og texta.
Tónlistin teygir sig í ýmsar áttir og hvílir einhversstaðar á
mörkum jazz, blús og sálartónlistar. (Um er að ræða göróttan kokteil
jazz-, blús-, og soultónlistar með textum á mörkum hins boðlega eftir
undirritaðann.) Segja má
að lagasafnið sé nokkurskonar óður til íslenska
smáglæpamannsins en brennivínsberserkir, eltihrellar, siðleysingjar og
smákrimmar eru aðalpersónur margra laganna. Ástin, í sínum fjölbreytilegu
myndum, kemur við sögu og það gerir líka margbreytileiki mannlegrar
kynhegðunar.
Þess má geta að Sigurður Flosason hlaut íslensku tónlistarverðlaunin
sem lagahöfundur ársins í flokku jazz- og blústónlistar fyrir lögin á
„Blásýru“. Tónleikarnir eru haldnir í samvinnu við jazzklúbbinn
Múlann.