Tix.is

  • Nov 17th 20:00
Ticket price:5.990 kr.
Event info

Aukatónleikar komnir í sölu vegna mikillar eftirspurnar!

Tónlistarhópurinn Cauda Collective og Mugison taka höndum saman í tilefni að 10 ára útgáfuafmæli hljómplötunnar "Haglél".

Tónleikarnir fara fram í Bæjarbíói föstudaginn 19. nóvember og laugardaginn 20. nóvember kl. 20:00.

Hópurinn mun flytja lögin á plötunni Haglél

og þetta eru allt nýjar útsetningar fyrir klassísk hljóðfæri unnar af hljóðfæraleikurunum í Cauda Collective ásamt Mugison sjálfum.

Cauda Collective er hópur skapandi tónlistarflytjenda sem leita út fyrir rammann í tónlistarflutningi sínum. Hlutverki flytjandans er ögrað, hann semur líka tónlist, útsetur, spinnur, vinnur þvert á miðla. Hópurinn leitar nýrra leiða til að túlka gamla tónlist, stundum með hjálp annarra listforma. Einnig er unnið náið með tónskáldum og lögð áhersla á að frumflytja ný tónverk. Hópurinn tekur á sig ýmsa mynd, stækkar og teygir sig í allar áttir, en að þessu sinni eru flytjendur Sigrún Harðardóttir fiðluleikari, Þóra Margrét Sveinsdóttir víóluleikari, Þórdís Gerður Jónsdóttir sellóleikari, Borgar Magnason bassaleikari, Grímur Helgason klarínettuleikari og Matthías Hemstock slagverksleikari ásamt Mugison.