Hinir einu sönnu Greifar og eitís plötusnúðurinn og útvarpsmaðurinn Siggi Hlö standa fyrir stórskemmtilegri Útihátíð á SPOT um Verslunarmannahelgina. Þetta er í ellefta skiptið á síðustu tólf árum sem þessi hátíð er haldin og hún orðinn fastur liður í lífi margra um Verslunarmannahelgina.
Það verða böll á SPOT laugardags og sunnudagskvöld og svo má ekki gleyma hinum einstaklega skemmtilega brekkusöng í brekkunni fyrir neðan SPOT á sunnudagskvöldinu.
Miðasalan opnar klukkan 21.30 hvort kvöld en brekkusöngurinn sem ekki er selt inn á byrjar klukkan 22.30 á sunnudagskvöldinu. Byrjað verður að spila klukkan 23.00 á laugardagskvöldinu og strax eftir brekkusöng á sunnudagskvöldinu.
Greifarnir taka öll sín bestu lög og fleiri góða smelli og Siggi sjóðheitur í disco búrinu. Getur ekki klikkað!