Event info

Miðasala á leikina við Írland hefst 1. júní 

A landslið kvenna mætir Írlandi í tveimur vináttuleikjum á Laugardalsvelli – 11. og 15. júní. Miðasala hefst þriðjudaginn 1. júní kl. 12:00. Allir miðar eru seldir á Tix.is og getur hver kaupandi mest keypt 4 miða. Miðaverð er kr. 2.000 (50% afsláttur fyrir 16 ára og yngri). 

Vegna Covid takmarkana er leikvanginum skipt í hólf (3 sóttvarnahólf í hvorri stúku) og er hámarksfjöldi áhorfenda samtals 1.800. Miðasölukerfið á Tix.is skilur sjálfkrafa eftir 2 sæti á milli hverra miðakaupa til að tryggja viðeigandi fjarlægð vegna sóttvarna. Grímuskylda er í stúkunni (allan leikinn), hvert sóttvarnahólf hefur sinn inngang, salernisaðstaða og annað verður innan hvers sóttvarnahólfs, og eru vallargestir minntir á að forðast hópamyndir við veitingasölu og við innganga.