Event info

Leikritið segir frá þeim tveimur árum sem Anna Frank, 13 ára hollensk gyðingastúlka, dvaldist í felum undan nasistum á hrörlegu háalofti í vöruskemmu í Amsterdam, ásamt foreldrum sínum, systur og fjórum öðrum gyðingum. Þennan tíma heldur Anna dagbók sem hún trúir fyrir tilfinningum sínum og því hvernig hún upplifir þennan tíma þar sem skiptast á skin og skúrir.

Um er að ræða uppfærða leikgerð og nýja þýðingu sem hefur aldrei verið sýnd hér á landi. Þessi nýja leikgerð inniheldur kafla sem voru ekki birtir í fyrstu útgáfu bókarinnar, Dagbók Önnu Frank, sem leikritið er gert eftir. Gefa þessir kaflar nánari innsýn inn í hugarheim stúlkunnar.

Leikstjóri er Sigurður Líndal Þórisson og þýðandi Ingunn Snædal.

Miðasala Freyvangsleikhússins raða gestum í sæti eftir pöntunum í samræmi við nálægðartakmarkanir. Ekki er hægt að panta ákveðin sæti fyrirfram nema í einstaka tilvikum ef um einstaklinga með hreyfihamlanir eða hjálparbúnað er að ræða, sbr. einstaklingar sem notast við hjólastól, hækjur, göngugrind o.þ.h.

Vinsamlegast látið miðasölu vita tímanlega í síma 857-5598 svo hægt sé að gera viðeigandi ráðstafanir.