Event info

X977 kynnir Jack Rocks: Guns N‘ Roses – Rokkmessa 2021.

Eftir fjölmargar beiðnir er kominn aftur tími til að heimsækja helstu slagara af meistarastykkinu Appetite for Destruction sem er orðin 33 ára gömul. Aðrir ópusar og þrusu smellir sveitarinnar fá að fylgja með á Hard Rock í Reykjavík 19. febrúar og Græna Hattinum á Akureyri 20. febrúar.

Þetta er ekki í fyrsta né síðasta skiptið sem Guns N‘ Roses rokkmessur verða haldnar hér á landi enda alltaf vel sóttir og gríðarlega skemmtilegir viðburðir. Meðlimir Dr. Spock, DIMMU og Skálmaldar sjá til þess að þú fáir rokkið beint í æð. Þessir viðburðir voru áætlaðir í október 2020 en frestuðust til febrúar 2021 út af smá veiru veseni. Það er því uppsöfnuð rokk hlussa sem þarf að leysa úr læðingi. Ekki missa af því.