Event info

Nýlega kom út fyrsta hljómplata Halldórs Smárasonar hjá bandarísku plötuútgáfunni Sono Luminus. Í tilefni þess verður efnt til útgáfutónleika á Ísafirði 30. júlí og Kaldalóni, Hörpu, í Reykjavík 20. ágúst.
Miða á tónleikana í Kaldalóni má nálgast á miðasölusíðu Hörpu.

Tónleikarnir vestra fara fram í Hömrum, sal Tónlistarskóla Ísafjarðar, þar sem upptökur á plötunni fóru fram sumarið 2019.

Á tónleikunum flytur Strokkvartettinn Siggi þrjá strengjakvartetta af plötunni og þá verða önnur verk af flutt í hringóma hljóðkerfi. Sono Luminus útgáfan sérhæfir sig í upptökum svokölluðu á 9.1 „fully immersive audio“ kerfi, en þá er hljóðfærunum raðað í kringum hljóðnemana sem gerir hlustandanum kleift að staðsetja sig í miðjum hljóðfærahópnum.

STARA inniheldur sex verk skrifuð á árunum 2012-2018. Verkin eru í flutningi Strokkvartettsins Sigga (Una Sveinbjarnardóttir, Helga Þóra Björgvinsdóttir, Þórunn Ósk Marinósdóttir og Sigurður Bjarki Gunnarsson), auk Emilíu Rósar Sigfúsdóttur, Geirþrúðar Ásu Guðjónsdóttur Skelton, Gunnlaugs Björnssonar, Helgu Bjargar Arnardóttur og Tinnu Þorsteinsdóttur.

Frekari upplýsingar um STARA má finna hér:
https://www.sonoluminus.com/store/stara

Vefslóðir á streymi eða kaup:
https://linktr.ee/halldorsmarason

Vefslóð á miðasölu útgáfutónleika STARA í Kaldalóni, Hörpu, 20. ágúst:  https://www.harpa.is/dagskra/vidburdur/stara-utgafutonleikar/