Við erum öll, við erum öll, við erum öll: Bubbi!
Bubbi Morthens er samofinn þjóðarsálinni í öllum sínum birtingarmyndum: Stjarnan sem rís úr slorinu; fyrst sem málsvari verkalýðsins, svo alþýðusöngvari þjóðarinnar, þá atómpönkari og gúanórokkari sem breytist í ballöðu-poppara sem syngur með stórsveitum. Skoðanaglaði gasprarinn, skrifblinda ljóðskáldið, fíkilinn sem reis upp, kvennamaðurinn og sá sem elskar aðeins eina konu, Kúbverjinn og Hollywood-víkingurinn, veiðimaðurinn, friðarsinninn og boxarinn. Sögur Bubba Morthens eru sögur okkar allra; sögur Íslands. En hver er hann í raun og veru? Og hver erum við?
Í þessari stórsýningu leggja leikarar, dansarar, tónlistarmenn og fleiri góðir gestir, leggja allt í sölurnar við leitina að Bubbanum í okkur öllum og fylla sviðið með sögum, lögum, ljóðum og litum þessa elskaða og óþolandi listamanns.
Höfundur: Ólafur Egill Egilsson
Söngtextar: Bubbi Morthens
Leikstjórn: Ólafur Egill Egilsson
Leikmynd: Ilmur Stefánsdóttir
Búningar: Filippía Elísdóttir
Lýsing: Björn Bergsteinn Guðmundsson
Tónlist: Bubbi Morthens
Danshöfundur: Lee Proud
Leikgervi: Elín Sigríður Gísladóttir
Hljóð: Gunnar Sigurbjörnsson
Leikarar: Björn Stefánsson, Elín Sif Hall, Esther Talia Casey, Halldóra Geirharðsdóttir, Haraldur Ari Stefánsson, Hjörtur Jóhann Jónsson, Halldór Gylfason/Jóhann Sigurðarson, Rakel Ýr Stefánsdóttir og Valur Freyr Einarsson
Dansarar: Katrín Mist Haraldsdóttir, Sólbjört Sigurðardóttir og Sölvi Viggósson Dýrfjörð
Litlu Bubbar: Hlynur Atli Harðarson, Magnús Þór Bjarnason, Óttar Kjerúlf Þorvarðarson
Tónlistarstjóri: Guðmundur Óskar Guðmundsson
Hljómsveit:
Guðmundur
Óskar Guðmundsson bassi
Þorvaldur Þór Þorvaldsson trommur
Örn Eldjárn gítar
Hjörtur Ingvi Jóhannsson hljómborð
Aron Steinn Ásbjarnarson saxófónn og kassagítar