EINGÖNGU STAKIR MIÐAR LAUSIR Í STÚKU Á BÆÐI DAG- OG KVÖLDTÓNLEIKA  

Það er komið að stóru stundinni; sögulegir stórtónleikar Páls Óskars eru í Höllinni á laugardag. Íslenskt tónleikahald verður tekið á nýtt stig að öllu leyti. Við lofum því að þetta verði svo sannarlega engu líkt!

Tónleikagestir munu til að mynda fá ljósaarmbönd sem ljósameistari tónleikanna fjarstýrir og verða þar með hluti af sjónarspilinu! ATH: Ætlast er til þess að gestir skili armböndunum í þar til gerðar tunnur, fötur og poka strax að loknum tónleikum.

Miðaafgreiðsla- og sala hefst kl. 12 í Höllinni á tónleikadegi. Tix verður frá þeim tíma staðsett í skúr fyrir utan Höllina. Tónleikagestir sem hafa þegar sótt miðana sína geta gengið beint inn í Höllina. 

Dagskrá dagtónleika: 
12:00 – Tix hefur sölu og afgreiðslu miða 
14:00 – Húsið opnar 
14:45 – Áttan hitar upp 
15:00 – PÁLL ÓSKAR 
16:15 – Áætluð lok*

Dagskrá kvöldtónleika: 
19:00 – Húsið opnar 
20:00 – Áttan hitar upp 
21:00 – PÁLL ÓSKAR 
23:00 – Áætlaður endir*

*Dagskráin getur riðlast og er birt með fyrirvara um breytingar.

Páll Óskar mun syngja öll bestu lög ferils síns frá 1991 - 2017 ásamt sex manna hljómsveit í bland við raftónlistina og fullt af dönsurum. Sviðið verður sérsmíðað og ekkert til sparað í búningum og umgjörð til að gera þessa tónleika með öllu ógleymanlega.

Laugardalshöllin mun springa af hreinni gleði, hlaðin glysi og glaumi eins og Páll Óskar einn getur leyft sér!

ALGENGAR SPURNINGAR